யார் பக்கம் நியாயம்

அன்னை   கொசுவர்த்தி  கொளுத்த

ஆயிரம்  சடலங்கள்  கீழே  விழுந்தன

ஆம்  அவை  கொசுக்கள்தான்

கொலை   செய்வது  பாவம் தான்

ஆனால்  நாம்  கொல்கின்றோம்

நம்  ஓர் உயிரின்  நலத்திற்காக

பெண்  கொசுக்கள்  மட்டுமே  இரத்தம்  உறிஞ்சுமாம்

தன்  சேய்கருவின்  நலத்திற்காக

கொசு  கடித்தவுடனே   நாம்  இறப்பதில்லை

ஆனால்  நாம்  அடித்தவுடன்  கொசுக்கள்  பிழைப்பதுமில்லை

இதில்  யார்  பக்கம்  நியாயம்

கொடிய  விலங்கு

உணவிற்காக  நம்மை  கொன்றால்

அது குற்றம்

நமது உணவிற்காக

நூற்றுக்கணக்கில்  உயிர்களைக்  கொல்வது  ( எ.கா  கோழி ,  ஆடு )

என்ன  சட்டம்

இதில்   யார்  பக்கம்  நியாயம்

புலி  பசித்தாலும்  புல்லைத்  தின்னாதாம்

புலி ஏமாந்தால்   நாம்   அதையும்  திண்போம்

உணர்வுகள்  என்பது  இறைவன்  படைப்பில்

வேறு  வேறா

பாசம் என்பது

நாம்   மட்டுமே  உண்ணும்   நெல்லுச் சோறா

மரணவலி   உயிர்களிடையே  வேறு வேறா

எறும்பு   தண்ணீரில்  விழுந்தாலும்   தன்   உயிரைக்  காக்க  போராடும்

மனிதன்   தண்ணீரில்  விழுந்தாலும்  தன்  உயிரைக்  காப்பாற்ற  போராடுவான்

இதில் யார்  மரணபயம்   பெரிது

வெறும்  திணை  மட்டுமே  நம்மிடம்  இருப்பது

இருந்தும்

இவ்வுலகில்

நீ  பெரியவன்  நான்  பெரியவன்

என்ற போட்டியில்

வலியவன்  சொன்னதே  சட்டம்

இதை கேட்பது

உயிர்  இருக்கும்   மட்டும்